السلام عليكم متابعينا الأعزاء
امتي تبدأي الاكل لطفلك
طبقا لمنظمة الصحة العالمية و الأكاديمية الأمريكية لطب الأطفال بداية الأكل لكل الاطفال عند عمر ٦ شهور
طيب ينفع نبدأ قبل الست شهور
اه ينفع من عمر ٤ لـ ٦ شهور
يكون عنده العلامات اللي بتعرفك انه مستعد وجاهز للأكل
- بيقدر يصلب رأسه
- بيحرك الفم كويس زي ما يكون بيمضغ
- بيتفرج ويتابعك وانتي بتاكلى
- بيفتح بقه لما تقربي منه المعلقة
ملحوظة مهمة
ممنوع منعا باتا إدخال الأكل قبل إتمام ٤ شهور ( ١٢٠ يوم )
أنواع الأكل اللي هتبدأي بيها بعد تمام ٤ شهور
يفضل اننا نبدأ بالارز مسلوق ومطحون ومتخفف بحليب الام أو الحليب الصناعي .. بعد كده الإختيارات كتير زي :
- الحبوب : أرز - شوفان
- الفواكه : تفاح - موز - كمثرى - برقوق - خوخ
- الخضروات : بطاطا حلوة - بطاطس - جزر - كوسا - قرع
ممنوع بروتين. قبل اكتمال ٦ شهور
ممنوع منتجات ألبان قبل اكتمال ٦ شهور
لاتنسوا مشاركة هذا المقال مع أصدقائكم لتعم الفائدة ولكم التعليقات