السلام عليكم متابعينا الأعزاء
متلازمة الرأس المسطح عند الرضع
أمهات كتير أولادهم بيحبوا يناموا على جهة معينة و دا بيسبب إن الجهة دي بتاخد الشكل المبطط و بتبقى في الغالب في الجهة الخلفية من الرأس و ممكن في أحد الجانبين أو الجانبين مع بعض وساعات بنلاقي الشعر كمان قليل في الأماكن دي بالذات مؤخرة الرأسالموضوع ده بيسبب قلق جامد للأهل وبيبقوا خايفين إن حاجه زي كده تؤثر على نمو المخ ، بس الموضوع دا مالوش أي تأثير على تطور الطفل العصبي والعضلي
ما هى أشهر الأسباب المسببة للرأس المسطح
- الطفل ناقص النمو وفي الحالة دي غالبا بتتصلح في الأسابيع الأولى من العمر
- النوم على نفس الوضعية كل يوم
- وجود شد عضلي في رقبة الطفل بيخلي رقبته مايلة وبتسبب ان الرأس تكون مبططه على الجهه اللي الرقبة مايلة ناحيتها
كيفية علاج هذه المتلازمة
- لازم تغيير وضعية النوم كل شوية وممنوع نخلي الطفل ينام على بطنه خوفا من متلازمة الموت الفجائية
- تغيير وضعية الطفل أثناء الرضاعة
- نستغل الوقت اللي هو صاحي فيه وننيمه على بطنه يلعب شوية Tummy Time و ده من أهم الحاجات اللي بتقلل متلازمة الرأس المسطح
- الطفل اللي عنده ميل في الرقبة هيحتاج علاج طبيعي
لاتنسوا مشاركة هذا المقال مع أصدقائكم لتعم الفائدة ولكم التعليقات