السلام عليكم متابعينا الأعزاء
زيادة العرق عند الأطفال
ابنك ساعات تلاقي رجليه ساقعين وغرقانين عرقإبنك لما بينام بيغرق المخدة عرق وممكن حد ابن حلال يقولك ليكون عنده مشاكل في القلب
الموضوع ده جالي عنه أسئلة واستفسارات كتير الفتره اللي فاتت عشان كده لازم نعرف سبب اللي بيحصل ده ايه
- اولا : الغدد اللي بتفرز العرق في الأطفال الرضع بتبقى متركزه في الرأس و الرقبة و اليد والقدم ... علشان كده الأعضاء دي بالذات هي اللي بتعرق كتير
- ثانيا : الدورة الدموية في الأطفال الرضع بتكون نشيطة وغزيرة جداً في منطقة الرأس والصدر (المناطق الحيوية) و دا بيسبب دفئ المناطق دي و بتنشط اكتر في منطقة الرأس أثناء النوم و دا اللي بيسبب العرق الكتير و المخدة المبلولة أثناء النوم
الموضوع ده هيستمر لحد إمتى ؟
في الغالب بينتهي عند سن سنة وممكن تطول في بعض الأطفال لحد سنتين لـ ٤ سنين و ممكن يكمل في بعض الأطفال باقي حياتهم و ده إسمه مرض فرط التعرُّق وبيكون في العيلة أكتر من فرد عنده نفس المشكلة لإنه مرض وراثيامتى نقلق و نشك إن الموضوع ده سببه مرضي و مش عادي زي باقي الأطفال ؟
لما يكون الطفل مع العرق و برودة الأطراف مصحوب بـ- نقص الوزن
- عدم القدرة على الرضاعة
- دايماً همدان وكسلان حتى بكائه ضعيف