السلام عليكم متابعينا الأعزاء
البراز الأخضرعند الرضع
بترضعي طبيعي و إبنك بيرضع كويس و وزنه بيزيد ولقيتي البراز بتاعه لونه أخضر و فيه مخاطتعملي إيــــــــــــه لو لقيتى البراز أخضر؟
تحطِّي إبنك على الثدي الواحد مش أقل من ١٠ دقائق .. ليـــــــــــه ؟- لإن في نسبة كبيرة من الأطفال اللي عندهم الموضوع دا إتضح إن السبب الرَّئيسي إنهم بيرضعوا فترة قصيرة من ثدي الأُم
- أو الأُم بتبدل بسرعة من ثدي لثدي فا بيرضعوا اللبن الخفيف اللي في الأول اللي اسمه اللبن الأمامي و اللي مليان لاكتوز و بيفضل في المعدة ويتخمر ويعمل اللون الأخضر الغامق و المخاط دا
- لما مدة الرضاعة زادت والأطفال بقوا بياخدوا اللبن الغني بالدهون و بيزود الوزن و بيشبَّع اللي إسمه اللبن الخلفي بدأ الموضوع يقل لإن الدهون اللي في اللبن دا بتسهل الهضم و مش بتخلي حاجه تتراكم في البطن وبيرجع البراز للونه الطبيعى
- كمان لو زودتي فترة الرضاعة من صدر واحد هتتغلبي على مشاكل كتير تانية لإن اللبن الخلفي بيشبع و تقيل فهيخليه يرضع وينام فترة كويسة و مش هايعيط طول الوقت ويفضل عايز يرضع كل شوية
- كمان مرات الترجيع هتقل
- هترتاحي من التهابات الحفاضة اللي كل شوية تيجي بسبب اللاكتوز المتخمر الحمضي اللي بينزل مع البراز
إمتى نقلق ؟
- لو زادت عدد المرات و أصبحت أكثر سيولة مع قيئ و حرارة لأكتر من ٢٤ ساعة ، لإن ده ممكن يكون نزلة معوية
- لو كان مع النوع ده من البراز ضعف عام اوالطفل مش بيزيد في الوزن مع قيئ و إكزيما أو التهابات في منطقة الحفاضة و الجلد عامةً وبتكون مزمنة وضيق في التنفس والتهابات متكررة في الجهاز التنفسي ونزول دم مع البراز ، لإن دا من علامات حساسية الألبان
لاتنسوا مشاركة هذا المقال مع أصدقائكم لتعم الفائدة ولكم التعليقات