السلام عليكم متابعينا الأعزاء
ماتقلقيش أول أربع شهور من الحاجات دى
- الخنفرة طالما الطفل بيرضع و ينام كويس
- الحزق مفيهوش قلق
- الإرتجاع طالما الطفل بيزيد فالوزن
- زيادة عدد مرات البراز بعد كل رضعة ممكن يوصل ل من 8 لـ 12 مرة يوميا طالما بيزيد فى الوزن
- الإمساك حتى ٣ ايام عادى طالما بيعمل براز لين
- تورم الثديين سواء عند الذكور او الاناث ده نتيجة هرمونات من الام و بيتحسن لوحده و بلاش تعصير عشان ده هيعمل خراج للطفل
- افرازات من المهبل عند الاناث سواء افرازات بيضاء او حتى نقط دم ده برضه نتيجة هرمونات الام اللى بتقل بعد الولادة عند الطفل و بتسبب كده غالبا فى الاسبوع الاول و بتقف لوحدها
- لون برتقالى ممكن نلاقيه فى البامبرز فى الايام الاولى بعد الولادة دى املاح يورات بتنزل فى البول خاصة لو الجو حر و الطفل مبيرضعش كويس
- الزغطة حاجة طبيعية بنشوفها فى معظم الاطفال خاصة فى اول شهر و احيانا بتتكرر كتير
- قشرة الشعر او قبعة المهد ووقوع الشعر ده طبيعى مفيش قلق و مش محتاجين علاج
- المغص طبيعى فى اول 4 شهور
- الخضة فى اول 3 شهور سواء عند سماع اصوات عالية او احيانا عند لمس الطفل او ممكن لوحده و بيتحسن لما الجهاز العصبى ينضج عند من 4 شهور
- الحول فى اول 6 شهور غالبا نتيجة ضعف فى عضلات العين بيتحسن لوحده
- السرة مش لازم تقع فى اول اسبوع عادى طبيعى لحد 45 يوم اكتر من كده لازم فحص دم لاستبعاد امراض اضطراب المناعة LAD
- افرازات العين و زيادة الدموع و سيلانها من الحاجات المشهورة فى الاطفال اول 6 شهور نتيجة ضيق القنوات الدمعية كل المطلوب الصبر و عمل مساج للقنوات الدمعية.
لاتنسوا مشاركة هذا المقال مع أصدقائكم لتعم الفائدة ولكم التعليقات