![نصائح مهمه في بداية ادخال الاكل لطفلك نصائح مهمه في بداية ادخال الاكل لطفلك](https://blogger.googleusercontent.com/img/b/R29vZ2xl/AVvXsEgQAjTrrR4Ot9EbJUUTb5Od05wblYgJcY7nH0giNGMkxvtVG4TKBim55qSnAUOW7ZaxVpqjyNiApCK3995XLLzbcyG9JZjTDGueUpu-jWnixVfOzG5clJOyCUgnzCmP3cW_EW_i0KK6290/s16000/%25D9%2586%25D8%25B5%25D8%25A7%25D8%25A6%25D8%25AD+%25D9%2585%25D9%2587%25D9%2585%25D9%2587+%25D9%2581%25D9%258A+%25D8%25A8%25D8%25AF%25D8%25A7%25D9%258A%25D8%25A9+%25D8%25A7%25D8%25AF%25D8%25AE%25D8%25A7%25D9%2584+%25D8%25A7%25D9%2584%25D8%25A7%25D9%2583%25D9%2584+%25D9%2584%25D8%25B7%25D9%2581%25D9%2584%25D9%2583.jpg)
السلام عليكم متابعينا الأعزاء
نصائح مهمه في بداية ادخال الاكل لطفلك
نفذي قاعدة ١ × ٣
- يعني تجربي نوع واحد فقط لمدة ٣ أيام عشان لو حصل منه حساسية أو أي مشاكل تبقي عارفه السبب ، و طبعاً لو ظهرت أعراض الحساسية زي الطفح الجلدي أو الكحة أو تورم في الجسم لازم نروح نكشف.
- قدمي وجبة الأكل ٣ مرات في اليوم و لا تتعدى ٣ معالق صغيرة.
- الأكل اللي بتقدميه لازم يكون مسلوق و مهروس كويس جداً و متخفف بميه أو حليب صناعي أو لبن الأُم و تزودي سماكة و كثافة الأكل بالتدريج كل ما الطفل يكبر.
- لو رفض إبنك نوع مُعيَّن من الأكل وقفيه و إرجعي قدميه بعد فترة.
- توقعي لما تدخلي أكل إنه يحصل شوية إمساك أو إسهال للطفل لإن جهازه الهضمي لسه بيتعود يهضم الأنواع الجديدة اللي إنت دخلتيها.
- أكلي إبنك و هو قاعد دايماً ، علشان ما يشرقش.
- مع الوقت و تدخيل الأكل بكميات أكبر بالتدريج الرضاعة هاتقل و دي حاجه ما تقلقش.
- بلاش إلهاء الطفل في الكارتون أو الموبايل أثناء الأكل لإن دا ممكن يصرف إنتباهه عن الأكل خالص ، خليه وقت تلاعبيه فيه و تتكلمي معاه.
- كل طفل مختلف عن التاني فا بلاش تقارني إبنك بإبن فلانة و دا بياكل كتير و دا بياكل قليل ، أهم حاجه يكون نشاطه كويس و معدل زيادة وزنه طبيعى.
- لو الطفل رافض الأكل سيبيه ما تغصبيش عليه ، خليه يلعب بالأكل مرة يتفه مرة يوقعه مرة لإنه في الوقت دا عنده رغبة الإستكشاف فا إديله مساحته من فضلك و هياكل هياكل ما تقلقيش.
- لو بدأتي تأكلي مسموحلك تشربي ماء لحد ٦٠ مل في اليوم عشان يسهل الهضم و نتفادى الإمساك ، وكمان بتساعدهم على البلع
- ممكن بعد ما تخلصي الوجبة تكملي رضاعة طبيعي أو صناعي.
لاتنسوا مشاركة هذا المقال مع أصدقائكم لتعم الفائدة ولكم التعليقات