السلام عليكم متابعينا الأعزاء
إمتى إبنك يشرب مياه
- لو الطفل بيرضع طبيعي كاملاً من غير أي مصدر تاني للغذاء إعرفي إنه بيوصله كمية الميه اللي تكفي جسمه وزياده و مش محتاج و لا نقطة ميه حتى في عز الحر لحد سن ٦ شهور لان لبن الام بيحتوي على الميه بنسبة ٨٨٪
- بعد ٦شهور ممكن نبدأ نديله ميه لانه بيكون بدأ ياكل وفي مصادر تانيه للغذاء غير لبن الام وب بنبدأ بكميات صغيرة على مدار اليوم
لو الطفل بيرضع صناعي
- برده مش محتاج لـ الميه لان اللبن انت اصلاً بتعمليه من الميه ودا برده لحد ٦ شهور
- بعد الـ ٦ شهور يمكن تقديم ٦٠ لـ ١٢٠ مل ماء بحد اقصي موزعة علي مدار ٢٤ ساعه
إيه الخطورة في موضوع المياه ؟
عارفة لو ادينا طفلك الرضيع ميه من غير حساب ممكن ايه يحصل ؟- هتخليه يتبول كتير ويخرج أملاح و معادن كتير في البول ودا ممكن يؤثر على المخ لدرجة التشنجات والغيبوبة ( قليل لما بتحصل بس لو حصلت خطيرة جداً )
- هتملى بطن الطفل و تخليه يشبع و تضيع عليه وجبة لبن و دا هيسبب نقص الوزن
- لو الطفل حديث الولادة ها تسبب نقص كمية الحليب اللي بياخدها الطفل و تؤدي إلى زيادة نسبة الصفرا في الدم
- الشبع و قلة الرضاعة اللي هتسببهم المياه هتخلي اللبن يقل في صدرك لو بترضعي طبيعي
لاتنسوا مشاركة هذا المقال مع أصدقائكم لتعم الفائدة ولكم التعليقات